Ամրագրել այցելությունը
Views73

Աշնանային շունչն արդեն օդում է։
Այս ամսին հարսանիքները միշտ առանձնահատուկ են: Ցերեկներն ու գիշերները ավելի զով են, ծառերն աստիճանաբար ոսկեգույն երանգ են ստանում։ 

Վաղ աշունը դեռ տաք է, գեղեցիկ, մելամաղձոտ, իսկ ուշ աշունը, թեև մտածելու առիթ է տալիս, բայց յուրովի գեղեցիկ է և առանձնահատուկ իր ոճով։

Ցանկանու՞մ եք իմանալ տարվա այս եղանակին հարսանիքը կազմակերպելու մանրամասները: 

Աշնանային հարսանիքների գույները

Ոչ մի խնդիր, եթե դուք նախապատվությունը տաք անսովոր համադրություններին։ 
Ազատորեն ընտրեք դարչնագույնը, ոսկեգույնն ու նարնջագույնը, փորձեք համադրել գինու և հատապտուղների երանգները։

Իսկ եթե ավելի նուրբ ոճ եք ցանկանում հաղորդել արարողությանը ապա ընտրեք ոչ ակնհայտ գունային համադրություններ, օրինակ՝ բաց կապույտը, ինչպիսին սովորոբար այդ ամիսներին երկինքն է, և ցորենի ճուղերը:

Աշնանային հարսանիքների գույները

Աշնանային հարսանեկան դեկորներ

Տարվա այս եղանակին զարդարելը հաճույք է, քանի որ բնությունն ինքն է առաջարկում այն ​​ամենը, ինչ մեզ անհրաժեշտ է: 
Սկսեք ծաղիկներից. զարդարեք թարմ կամ չոր ծաղիկներով։ 
Տարածքը կարող եք զարդարել նաև ծառի ճյուղերով, չոր տերևներով և կոներով՝ ավելի խորհրդավոր դարձնելով ոճը:

Աշնանը հարսանիքն ընկնում է բերքահավաքի շրջանին, այնպես որ մտածեք դեկորում մրգերի և, ինչու չէ, ավելի օրիգինալ տարբերակների՝ բանջարեղենների օգտագործման մասին։ Փորձեք դրանցից մի քանիսը ներկել ոսկեգույն ներկով։ Արդյունքը շատ գեղեցիկ է լինելու։

Աշնանային հարսնացու

Նրբագեղ զգեստներ՝ երկար թևերով, ժանյակներով և ասեղնագործությամբ։ Այսպիսին է աշնանային հարսանեկան զգեստների ոճը։
Ընտրեք գործվածքներ, որոնք և՛ թեթև են, և՛ ավելի տաք, որպեսզի չսառչեք։ 

Զգեստի գույնը կախված է Ձեր ճաշակից. այն կարող է լինել դասական սպիտակ, բայց համադրված խորը աշնանային երանգներով։
Մի մոռացեք, որ այս ամսին երեկոները ցուրտ են, այնպես որ ոչ միայն զգեստը այլև կոշիկները պետք է լինեն գեղեցիկ, բայց տաք։ 

Իսկ հարսնացուի աշնանային ծաղկեփունջը կարող է պարծենալ և՛ սեզոնային ծաղիկներով և՛ բնության նվերներով (կոններ, մրգեր և հատապտուղներ): Փնտրեք ծաղիկներ և բույսեր, որոնք համապատասխանում են գունապնակին՝ հարուստ կարմիրից, կանաչից մինչև մուգ մանուշակագույն:

Հարսնացուի աշնանային ծաղկեփունջ

Նվերներ հյուրերի համար

Աշնանային հարսանիքը հյուրերին հաճելի կամ օգտակար թեմատիկ նվերներով ուրախացնելու առիթ է։ Մի մոռացեք դրանք գեղեցիկ զարդարել։ Ներառեք օրինակի՝

  • մեղր
  • խնձորի ջեմ
  • տնական թխվածքաբլիթներ
  • լավ սուրճ
  • աշնանային համեմունքներ
  • տաք գուլպաներ
  • աշնանային հոտերով մոմեր (բայց հիշեք, որ հոտը անհատական ​​խնդիր է, ընտրեք ամենաչեզոքը)

Նվերներ հյուրերի համար

Աշնանային ներկապնակի գեղեցկությունն ու բազմազանությունը առանձնահատուկ հմայք ունի և միշտ կարող է պայծառություն և ինքնատիպություն հաղորդել  հարսանեկան արարողությանը։

Սիրով՝ Peri Bridals:

Այն ամենը, ինչ դուք պետք է իմանաք հարսանյաց զգեստը փորձելու մասին
2022-08-19
views 162